आजचे राशिभविष्य, कसा आहे आजचा दिवस

खान्देश लाईव्ह | २ मार्च २०२२ | – ( शुभ रंग- मरून) सामाजिक पत प्रतिष्ठा वाढेल, आप्तस्वकीयात तुमच्या शब्दाचा मान राहील. आज जे काही मनात आणाल ते तडीस न्याल. व्यवसायात मर्यादित धाडस करायला हरकत नाही.

वृषभ (शुभ रंग- डाळिंबी)

कार्यक्षेत्रात महत्त्वाकांक्षा पूर्ण करायच्या असतील तर केवळ स्वप्नरंजनापेक्षा प्रयत्नांना प्राधान्य देणे गरजेचे राहील. आज तुमच्या अंगी असलेल्या नेतृत्वगुणांना वाव मिळेल.

मिथुन (शुभ रंग- पांढरा)

व्यापाराची मंदावलेली गाडी पुन्हा वेग घेईल आत्मविश्वासाने विपरीत परिस्थितीशी झुंज द्याल. दैव आज तुमच्या बाजूने आहे. श्रमसाफल्याचे समाधान मिळेल.

कर्क ( शुभ रंग -गुलाबी)

वैवाहिक जीवनात किरकोळ वाद संभवतात पण फार ताणून धरू नका. सासुरवाडी कडून आज काहीतरी लाभ संभवतो. गर्दीच्या ठिकाणी आपल्या मौल्यवान वस्तूंची काळजी घ्या.

सिंह (शुभ रंग- स्ट्रॉबेरी)

इतरांच्या भानगडीत न डोकावता आपल्या ध्येयावर लक्ष केंद्रित करणे गरजेचे आहे. ज्यात आपल्याला काही कळत नाही त्यात अनुभवी व्यक्तींचा सल्ला घेण्यास कमीपणा वाटण्याची गरज नाही.

कन्या (शुभ रंग -चंदेरी)

कोणत्याही स्पर्धेत अंतिम विजय तुमचाच राहील. तुमच्यातील सकारात्मकतेने तुम्ही आज इतरांना प्रभावित कराल. आज ऑफिसमध्ये वरिष्ठांचे व घरी पत्नीचे मुड सांभाळाल.

तूळ ( शुभ रंग – राखाडी)

नकारात्मक विचारांना पळवून लावाल. तुमचा कामातील उत्साह पाहून विरोधकही प्रभावित होतील. गृहिणींना आज मुलांच्या अभ्यासाकडे लक्ष द्यावे लागणार आहे. देण्याघेण्याचे व्यवहार लिखित स्वरूपात ठेवा.

वृश्चिक ( शुभ रंग- निळा )

कामधंद्याच्या ठिकाणी तुमचे महत्त्व वाढेल इतरांना न झेपणाऱ्या जबाबदाऱ्या स्वीकाराल व त्या वेळीच पूर्ण कराल. लहान मोठे आर्थिक लाभ होतील. ज्येष्ठांना मुलांकडून काही सुवार्ता येतील.

धनु (शुभ रंग- पिस्ता)

कुटुंबात आर्थिक सुबत्ता नांदेल. रिकामटेकड्या गप्पा मारण्या पेक्षा कृतीस प्राधान्य देऊन कार्य क्षेत्रामध्ये अग्रेसर राहू शकाल. गृहिणींना सासुबाईं कडून कौतुकाचे चार शब्द ऐकता येतील.

मकर ( शुभ रंग- आकाशी)

वेळीच घेतलेले योग्य निर्णय व वेळेचे योग्य नियोजन कामी येईल, त्यामुळे यशाचा मार्ग सोपा होईल. पारिवारिक सौख्यात वृद्धीच होईल. आज बेकायदेशीर व्यवहार मात्र टाळा.

कुंभ ( शुभ रंग – मोरपंखी)

तुमची आर्थिक कुवत वाढणार आहे. मानसिक स्थिती चांगली असल्याने तुमची कार्यक्षमताही चांगली असेल. सामाजिक कार्यातून प्रतिष्ठा वाढेल. झटपट लाभाच्या मोहातून मात्र फसवणूक होऊ शकेल सतर्क राहा.

मीन – (शुभारंभ- भगवा)

आपल्या लहरी व हट्टी स्वभावावर नियंत्रण ठेवा. तुमची मते सगळ्यांनाच पटणार नाहीत. कामानिमित्त बराच वेळ घराबाहेर राहावे लागेल. खर्चाचे प्रमाण आवाक्याबाहेर जाईल