महिला दिन विशेष जाणून घेऊया स्मार्ट गृहिणीची जीवनगाथा

खान्देश लाईव्ह | ८ मार्च २०२२ | जळगाव येथील भास्कर मार्केट येथील बचतगट व महिला उद्योजक निर्मित वस्तूंचे दालन या बचतगटांची सुरूवात आणि आज असलेल्या उद्योगिनी यांचे संपूर्ण माहिती आज महिला दिना निमित्त आपण जाणून घेणार आहोत.
मंजुषा पविनकर यांनी दिनानिमित्त आपल्या कारकिर्दीची सुरुवात कशाप्रकारे झाली आणि किती संकटांना सामोरे जावे लागले याची माहिती आज सांगितले आहे. उद्योगिनी म्हणजे उद्योग व्यवसाय करणारे पण निव्वळ उद्योगच नाही, तर त्यासंबंधीचे सर्व ज्ञान असणारी असावी. या हेतूने ” उद्योगिनी ” ह्या नावाने १ सप्टेंबर २०१८ पासून मी उद्योगिनी रुपी नवीन क्षेत्रात पदार्पण केले. मंजुषा पविनकर मुळची वृत्तपत्रविद्या व जनसंज्ञापन ची विषयाची खानदेशातील पहिली पीएचडी धारक महिला पत्रकार आणि तेही पुणे विद्यापीठाची पीएचडी केली.
१८ वर्षाचा वृत्तपत्र, आकाशवाणी, आणि प्राध्यापक या माध्यमातून नोकरी चा सुखद प्रवास तर केला. परंतु काहीतरी वेगळे करायचे ही जिद्द व बचत गट महिला संघटन याची आवड यादृष्टीने उद्योगिनी ची कल्पना सुचली. बचत गट ही संकल्पना पूर्णपणे होती महिलांच्या अडचणी आणि समस्या याची चांगली जाणीव होती. बचतगटाच्या महिलांसमोर खरे आव्हान असते ते तयार झालेला माल विकायचा कुठे?या करताच बचत गटाच्या महिलांना व छोट्या व्यावसायिकांना ३६५ दिवस उद्योजकीय व्यासपीठ मिळावे. या हेतूने २०१६ मध्ये बचत गटाच्या घरगुती उत्पादनांचा मॉल या संकल्पनेचा मी प्रोजेक्ट रिपोर्ट तयार केला.
यालाच संलग्न बहुतेक सर्व बँकाचे प्रश्न निव्वळ अधिकाधिक गट सुरू कसे करता येईल याकडे लक्ष देतात. जळगाव शहरातील २१ बँक व महापालिका यांच्याकडे हा प्रोजेक्ट रिपोर्ट सादर केला. स्वतः दुकान सुरू करणे इतके आर्थिक पाठबळ माझ्याकडे नव्हते. माझे पती पंकज पवनीकर यांच्या भक्कम पाठिंब्याने १ सप्टेंबर २०१८ ला मी उद्योगिनी सुरू केले. बचत गट, छोटे आणि स्थानिक उद्योजक निर्मित सर्व प्रकारच्या वस्तूंचे स्मार्ट गृहिणींसाठी परिपूर्ण दालन अशी टॅगलाईन तर दिली. तरीहि उद्योगिनी चा प्रवास सुखकर नव्हता. अवघ्या ६ उद्योजकांच्या उत्पादनांवर दुकान सुरू केले, सुदैवाने भास्कर मार्केटमध्ये मोक्याच्या जागी दुकान भाड्याने उपलब्ध झाले.
खाद्यपदार्थांचे दुकान सुरू करताना शासनाचे विविध प्रकारचे परवाने घ्यावे लागतात. त्यात फूड लायसन्स, उद्योग आधार ,शाँप अॅक्ट हे सर्व परवाने मी स्वतः ऑनलाइन काढले. हे क्षेत्र माझ्यासाठी नवीनच होते परंतु मालाची गुणवत्ता,पॅकिंग, जाहिरात ,मार्केटिंग या सर्व गोष्टींचा विचार करून विविध योजना राबविल्या. इतर जिल्ह्यातील प्रसिद्ध किंवा प्रचिलित खाद्यपदार्थ जळगावात मिळावे या हेतूने सोलापूर,औरंगाबाद,नांदेड नागपूर,कोकण पुणे इ जिल्हातून वस्तु मागविल्या यामुळे त्या जिल्हातील बचतगट व व्यवसायिक यांना जळगावात बाजारपेठ उपलब्ध करून दिली.
आज उद्योगिनीत सर्व प्रकारचे ३००-३५० घरगुती उत्पादने आहे. ३२ महिला बचतगट व २५-३० छोटे व्यावसायिक यांना उद्योगिनी ने व्यावसायिक व्यासपीठ उपलब्ध करुन दिले आहे. ४०० च्या वर महिला व पुरुष व्यावसायिक यांना दर महिन्याला रोजगाराच्या संधी आम्ही मिळवून देतो. जळगावसह १० जिल्हामधून वस्तु विक्रीसाठी उद्योगिनीत येतात. अनेक व्यावसायिक व महिला बचतगट आता स्वत उद्योगिनीत वस्तु ठेवण्यास उत्सुक आहे.लोकांचा कल आता घरगुती व पौष्टिक खाद्यपदार्थकडे अधिक आहे उलट ब्रन्डड वस्तु आमच्याकडे कोणीही मागत नाही उद्योगिनी स्मार्ट गृहिणीसाठी परिपूर्ण दालन करण्याचा प्रयत्न आमचा सुरु आहे.
खान्देश लाईव्हचे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम