ट्रान्सफार्मरमधून चोरट्यांनी कॉईल आणि ऑइल चोरले !

खान्देश लाईव्ह | ३१ ऑक्टोबर २०२२ |

ट्रान्सफार्मरमधून चोरट्यांनी एक लाख ६५ हजार रुपये किंमतीची तांब्याची कॉईल तसेच सात लाख रुपये किंमतीचे साडेचार हजार लिटर ऑईल लांबवल्याची २३ ते २८ ऑक्टोंबरदरम्यान मुक्ताईनगर तालुक्यातील कुर्‍हा-वढोदा उपसा सिंचन योजनेच्या प्रोजेक्ट जवळ घडलीअसून या प्रकरणी अज्ञात चोरट्यांविरोधात मुक्ताईनगर गुन्हा दाखल करण्यात आला.

विद्युत पुरवठा खंडित करून ट्रान्सफार्मरमधील ऑईल आणि कॉईल चोरी केल्याचा प्रकार असून चोरट्यांमुळे शेतकरी आणि ग्रामीण भागातील नागरिकांचे यामुळे नुकसान होत आहे.

खाजगी कर्मचारी राजेंद्र गंभीर पाटील (५६ , निंबोल, ह.मु.मोहन नगर, जळगाव) यांच्या तक्रारीनुसार, कुर्‍हा-वढोदा उपसा सिंचन योजनेच्या प्रोजेक्ट जवळील ट्रान्सफार्मरचा वीजपुरवठा भामट्यांनी खंडित करीत वीज वायरी कापल्या व ट्रान्सफार्मरमधील एक लाख ६५ हजार रुपये किंमतीची तांब्याची कॉईल तसेच सात लाख रुपये किंमतीचे साडेचार हजार लिटर ऑईल लांबवले. हा प्रकार २३ ते २८ ऑक्टोंबरदरम्यान घडला. या प्रकरणी अज्ञात चोरट्यांविरोधात मुक्ताईनगर पोलिसात गुन्हा दाखल करण्यात आला. तपास हवालदार श्रावण गोंडू जवरे करीत आहेत.