यावल येथील इसमाने शेत विहिरीत उडी मारू केली आत्महत्या

खान्देश लाईव्ह | २९ मार्च २०२२ |भुसावळ रा.आमोदा यावल शहरातील रेशन दुकानावर काम करणार्‍या इसमाने शेत शिवारातील शेत विहिरीत उडी मारू आत्महत्या केल्याची घटना उघडकीस आलीय.फैजपूर पोलिसात भरत भंगाळे यांनी दिलेल्या खबरीवरून अकस्मात मृत्यूची नोंद करण्यात आली

भुसावळ मूळ रा.आमोदा ता.यावल येथील रा.लक्ष्मीनारायण नगर राहणारे अशोक वामन भंगाळे , असे मृताचे नाव आहे. अशोक हे रेशनदुकानावर सेल्समन म्हणून कामाला होते. सोमवारी २८ मार्च ते दुचाकी घेऊन आमोदा येथे जाण्याकरीता घरून निघाले होते. सायंकाळ झाली असता घरी आले नाही म्हणून त्यांच्या कुटुंबाकडून त्यांच्या मोबाईलवर कॉल करण्यात आला.

अशोकचा मोबाईल कॉल एका वेगळ्याच इसमाने उचलला व त्यानंतर भंगाळे यांच्या आत्महत्येचा उलगडा झाला. फैजपूरचे सहाय्यक पोलिस निरीक्षक सिद्धेश्वर आखेगावकर, पोलिस उपनिरीक्षक मोहन लोखंडे, सहायक फौजदार हेमंत सांगळे, अरुण नमायते, महेश वंजारी आदींनी घटनास्थळी धाव घेतली.

रात्री उशिरा शवविच्छेदनानंतर मृतावर आमोदा येथे अंत्यसंस्कार करण्यात आले. कुटुंबीयांना मोठा धक्का बसला आहे. फैजपूर पोलिसात भरत भंगाळे यांनी दिलेल्या खबरीवरून अकस्मात मृत्यूची नोंद करण्यात आली. मयत भंगाळे यांच्या पश्चात पत्नी, मुलगा, मुलगी असा परीवार आहे.