जळगावातील कंपनीची २८ लाखांत फसवणूक

खान्देश लाईव्ह I २७ डिसेंबर २०२२ I गाडया ट्रान्सपोर्ट करीता लावल्याचे दाखवून भाडे आणि डीझेल भरण्याच्या नावाखाली २८ लाख ६३ हजार ७७५ रुपयाचा अपहार करून कंपनीची फसवणूक केली. या प्रकरणी जळगावच्या एमआयडीसी पोलिसात एकाविरुद्ध गुन्हा दाखल करण्यात आला आहे.

याबाबत मुकुल प्रेम कुमार शर्मा (वय ३५, रा. नौ.व्यवस्थापक, रा. अयोध्या नगर) यांनी पोलिसात फिर्याद दिली आहे. त्यानुसार लोखिंदर मोहरसिंग (वरा. सद्गुरू नगर, जळगाव) याने १) प्रिती कार्गो डीस मुव्हर्स ट्रान्सपोर्ट कंपनी, ब्लॉक नं.१, प्लॉट नं.१, सर्वे नं.७५, जगवानी, एमआयडीसी जळगाव, २) | श्री करणी ट्रेलर सर्विस कंपनी, शॉप नं.०४, प्लॉट नं.१५९७ प्रताप हॉटेलजवळ, नाशिक, ३) श्री -०१ करणी ट्रान्स लाईन कंपनी, प्लॉट नं.१६, सद्गुरू नगर, सागर शॉप, आयोध्या नगर, जळगाव, ४) एस.आर. लॉजीस्टीक्स कंपनी, प्लॉट नं. सी-७, गिरनार ट्रान्सपोर्ट गोडाऊन, बालाणी लॉन्स जवळ, एमआयडीसी जळगाव या कंपनीच्या गाडया ट्रान्सपोर्ट करीता लावल्याचे दाखवले.

नंतर सदर गाडीचे भाडे देण्याबाबत लोखिंदर मोहरसिंगने त्याचे लॉगीन आयडी BO०३७१ वरुन कंपनीस खोटी रिक्वेस्ट आर. लॉजीक ने पाठवून वेळोवेळी कंपनीकडुन २६ लाख ३० हजार २०० रुपये व डिझेल भरण्याकरीता ९३ हजार रुपये व सिध्दार्थ ट्रान्सपोट, सिवाच रोड लाईन, गोगाजी कॅरीअरचे या कंपन्याचे भाडे १ लाख ४० हजार ५७५ रुपये कंपनीचे बि.पी.सी.एल. कार्डमधुन अदा केल्याचे दाखवून ते सदर कंपनीला न देता बी.एल.आर. लॉजीस्टीक इंडीया एलटीडी या कंपनीचा एकुण २८ लाख ६३ हजार ७७५ रुपयाचा अपहार करून कंपनीची फसवणुक केली. याप्रकरणी लोखिंदर मोहरसिंग विरुद्ध गुन्हा दाखल करण्यात आला असून पुढील तपासी सपोनि अमोल मोरे हे करीत आहेत.