अनुसूचित जमातीतील उमेदवारांना स्पर्धा परिक्षांकरीता मोफत प्रशिक्षण

खान्देश लाईव्ह | ९ नोव्हेंबर २०२२ | आदिवासी उमेदवारांकरीता कौशल्य विकास, रोजगार व उदयोजकता माहिती व मार्गदर्शन केंद्र, रावेर या कार्यालयामार्फत अनुसूचित जमातीतील उमेदवारांना स्पर्धा परीक्षांकरीता 1 डिसेंबर, 2022 ते 15 मार्च, 2023 असे एकूण 3 महिने 15 दिवसांचे प्रशिक्षण मोफत दिले जाते. प्रवेश मिळवण्याकरीता www.rojgar.mahaswayam.gov.in या संकेत स्थळावर नांव नोंदणी करणे आवश्यक आहे.

प्रवेशासाठी अटी –

1) उमेदवार हा अनुसूचित जमातीचा असावा. (जातीचा दाखला आवश्यक) 2) उमेदवार हा महाराष्ट्राचा रहिवासी असावा 3) उमेदवार हा शालांत परिक्षा (10 वी उत्तीर्ण असावा.) 4) उमेदवार 18 वर्ष पूर्ण असावा 5) यापुर्वी या प्रशिक्षणाचा लाभ घेतलेला नसावा.

वरील प्रशिक्षणामध्ये भाग घेणाऱ्या आदिवासी सुशिक्षीत बेरोजगार उमेदवारांकडून विविध शासकीय निमशासकीय निवड समित्यांमार्फत घेतल्या जाणाऱ्या स्पर्धा परिक्षांची तयारी करुन घेतली जाते. प्रशिक्षण काळात उपस्थित प्रशिक्षणार्थी उमेदवारांना दरमहा रु. 1000/- विद्यावेतन व प्रशिक्षण पुर्ण झाल्यावर 4 पुस्तकांचा मोफत संच व प्रमाणपत्र देण्यात येते. प्रशिक्षणामध्ये प्रवेश मिळविण्याकरीता मुलाखत दिनांक 29 नोव्हेंबर, 2022 रोजी सकाळी 10 वाजेपासून आहे. सदर दिवशी खालील कागदपत्रांच्या झेरॉक्स प्रती व मुळ प्रती सोबत आणणे आवश्यक आहे.

शाळा सोडल्याचा दाखला, 10 वी 12 वी, पदवी ( शैक्षणिक पात्रता) गुणपत्रिका, आधार कार्ड बँक पासबुक, दोन पासपोर्ट साईज फोटो, जातीचा दाखला इ.

अधिक माहितीसाठी आदिवासी उमेदवारांकरिता कौशल्य विकास रोजगार व उदयोजकता माहिती व मार्गदर्शन केंद्र प्लॉट नं.2. शनि मंदीरा मागे स्टेशन रोड, पंचायत समिती जवळ रावेर किवा संपर्कासाठी दुरध्वनी क्र. 02584-251906 किंवा मोबाईल क्रमांक 8668817893 (श्री अमिन तडवी, कनिष्ठ कौशल्य विकास रो.व.उ.मा.अधिकारी) या क्रमांकावर संपर्क साधावा.

प्रशिक्षणाच्या साडेतीन महिन्याच्या कालावधीत उमेदवारांना राहण्याची व भोजनाची व्यवस्था स्वतः करावी लागेल मुलाखत दिनांक 29 नोव्हेबर, 2022 रोजी ठेवण्यात आली आहे. असे आवाहन कौशल्य विकास, रोजगार व उद्योजकता मार्गदर्शन अधिकारी वि.जा.मुकणे रावेर यांनी एका प्रसिध्दीस दिलेल्या पत्रकान्वये केले आहे.