खान्देश लाईव्ह | २८ ऑक्टोबर २०२२ | चोपडा बसस्थानकात गुरुवार दि.26 ऑक्टोबर रोजी एक बस चालक आपली बस मागे घेत असतांनाच एक ५ वर्षीय बालक बसच्या चाकाखाली येत असल्याचे लक्षात येताच तात्काळ क्षणाचाही विलंब न लावता तत्परतेने बालकाला अलगद चाकाखाली येण्याअगोदर अलगद उचलून त्याचा जीव वाचविणाऱ्या चोपडा पोलीस स्टेशनचे पोहेकॉ/3180 विलेश सोनवणे यांचा २७ रोजी एसटी महामंडळाचे सुरक्षा अधिकारी विजय जाधव यांच्याहस्ते सत्कार करण्यात आला. यावेळी विलेश सोनवणे यांच्या कामगिरीचे कौतुक उपस्थितांनी केले. पोलीस दलाची मान उंचावेल अशी कामगिरी केल्याचे गौरवोद्गार विजय जाधव यांनी काढले.