खान्देश लाईव्ह | ८ नोव्हेंबर २०२२ |एका घरातून २ लाख ३२ हजार रुपयांचे सोने चांदीचे दागिने व रोकड लंपास केल्याची घटना धरणगाव तालुक्यातील पिंप्री येथे उघडकीस आली असून अज्ञात चोरट्याविरुद्ध गुन्हा दाखल करण्यात आला आहे.
पिंप्री येथील रहिवासी लोटू मुरलीधर पाटील यांच्या गुरुजी निवास येथे दि ५ रोजी भर दुपारी घरफोडीकरत अज्ञात चोरट्याने तब्बल २ लाख ३२ हजार रुपयांचे सोने चांदीचे दागिने व रोकड लंपास केले आहेत. या प्रकरणी धरणगाव पोलिसात लोटू मुरलीधर पाटील यांनी दिलेल्या फिर्यादीवरून गुन्हा दाखल करण्यात आला आहे. पोलीस निरीक्षक राहुल खताळ तपास करीत आहेत.